Það er engin leið að hætta

Ég er ekki að syngja popplag í g-dúr þeirra Stuðmanna sem lengi hafa hrellt þjóðina.  Ég er undrandi yfir því að fólk taki ekki yfirlýsingum mínum um að skrúfað hafi verið fyrir bloggveituna alvarlega.  Reyndar hafa vinsældir mínar kitlað hégómagirndina og allt það.  Lofa því að leggja höfuðið í bleyti og hugsa málið um helgina hvort Hrólfur rísi upp frá dauðum (á þriðja degi) eða hvort einhver ættingi hans opni bloggsíðu.  Það verður nú samt dálítið skrítið að fara að blogga fyrir uppdiktaða persónu sem fólk veit að er ekki til, frá byrjun?  Hvernig er að lesa blogg eftir einhvern sem er ekki til, heldur bara hugarfóstur?  Er það eins gaman?  Er eitthvað vit í því?  Þetta þarfnast mikilla pælinga.  Jafnvel að ég fletti upp í þykkum bókum.  

Reis upp frá dauðum

Bara til þess að ítreka að ég get ekki haldið áfram að blogga sem Hrólfur verandi einhver lúser úti í bæ.  Það væri svona álíka hallærislegt og ef fullorðið fólk setti skó út í gluggan og óskaði sér að gullvisakort sem aldrei þyrfti að borga af kæmi frá jólasveininum.  Svo var ég líka farinn að endurtaka mig, það er mjög erfitt að blogga um aumingja sem hefur ekki áhugamál og gerir ekkert nema að drekka... eða er það ekki?

Illi tvíburabóðir minn!

Ég á tvíburabróðir.  Sem þýðir að hann er 35 ára eins og ég.  Nema að þetta fífl er ekki fituhjassi.  Hann er grannur en jafn hár mér, 186.  Mað fullt af hári.  Jafnvel það allt en reyndar með gleraugu.  Ég mundi segja gott á hann ef ég gengi ekki líka með gleraugu og mín væru ljótari en hans.

Illi tvíburabróðir minn er með menntun í félagsvísindum eða einhverju þannig?  Hann gegnir góðri stöðu.  Hann þarf oft ekki að gera neitt á milli 11 og 13 á daginn og svo eftir klukkan 15-16.  Þá hefur hann oft bloggað.  Illi tvíburabróðir minn nennir ekki alltaf að hanga í tölvuleikjum eða vinna heimaverkefnin sem hann þarf að sinna.  Hann er með asnaleg áhugamál.  Myndlist og bækur.

Þetta skoffín hann tvíburabróðir minn er giftur.  Hann er giftur mjög fallegri fræðikonu.  Hún er það sem ég kalla: eitursvölrokkpía.  Þau eiga heimili í Vesturbænum.  Það er fullt af myndlist og bókum á heimili þeirra.  Fallegum munum og fötum og öllu því sem er ekki til í kjallaranum mínum.  Þau mundu aldrei drekka slot´s.

Öfugt við mig þá reykir illi tvíburinn ekki.  Hann syndir og skokkar.  Hann drekkur rauðvín.  Ég mundi aldrei drekka svoleiðis hland.  Hann er góður kokkur.  Hann borðar grænmeti og speltbrauð.  Aldrei hammara og pizzur.

Ég nenni ekki einu sinni að blogga um þetta peð án þess að fá gall upp í háls.  Oj.  Hann er svo mikið erkifífl.  Ég held samt að ég hafi laumað honum í einhverja færslu?  Ég man það ekki?  Mér finnst hann leiðinlegur.  Hann er búinn að missa áhugan á mér.

Og hefjast nú játningar.

Illi tvíburabróðir minn sem stendur núna fyrir aftan mig með hengingaól hefur ekkert á móti femínistum.  Hann og kona hans eru bæði femínistar og ala unglingspilt upp við þær hugsjónir.  Þó ekki samt eftir línu femínistafélags Íslands, heldur ýmsum kenningum sem þau hafa viðað að sér.

Helvítið hann tvíburabróðir minn sem er að ónáða mig með því að blístra útfaramars, þekkir ekkert til Hildi Lillendalhs skáldkonu og hefur ekkert á móti henni.  Hann hafði gaman af þeim ljóðum eftir hana sem hann sá birtast í blöðum og hafði heyrt það frá kunnugum að hún væri mikil netkona og stæði stundum í stappi við smámenni á netinu.  Honum fannst fyndið að bögga hana með því.  Og greyið Korntop í leiðinni.  Hann sér eftir því og biðst afsökunar.

Eins vill þetta smámenni sem fæddist örlítið á undan mér biðja zordisi afsökunar, salvor, ellyarmans, dauðarokkara, femínista, konur á barnalandi.is, og alla þá sem hann skeytti skapi sínu á eða hæddi í gegnum mig.  Honum fannst það stundum fyndið en oft fékk hann hroll yfir því hvað hann gekk langt.  Til dæmis á síðum zordis.blog.is og hugsaðu.blog.is.  Þar hagaði hann sér eins og Emil en ekki fullorðinn karlmaður.

Reyndar er malika666 ráðgáta.  Hún þóttist þekkja Hrólf og fyrstu konu hans.  Það finnst okkur bræðrum báðum fyndið.  Við óskum henni alls hins besta en vitneskjan um að einhver gæti líkst Hrólfi er frábær.  Nafnið valdi sá illi af gömlum skólabróður.  Vonandi er það þó ekki hann? 

Smámenninu, þessu bölvaða dusilmenni sem blés í mig líf eins og rabbíni í gólem, bara til þess svo að taka mig úr umferð þegar ég var loksins að öðlast viðurkenningu, óska ég alls ills.  Það er þó ólíklegt að hann taki mark á bölbænum frá mér.  Ég er nánast feigur núna.

Reyndar hafði illi tvíburinn gaman af því hvað það er skemmtilegt fólk á moggablogginu í bland við asna og umrenninga.  Bloggumrenninga.  Honum fannst ég eignast mikið af cool vinum, fólki sem tók mér eins og ég var.  Líka mömmu.  Mömmu sem hann ætlar að leggja inn á Klepp á eftir.  Svo keyrir hann mig á Vog.  Þannig endar þetta.  Við stígum upp í bíl og hann ekur með mig út í eitthvað fokkings úthverfi og lætur mig í umsjón lækna og ráðgjafa sem munu kenna mér að biðja og gera úr mér betri mann.  Kannski er það bara best?

En það verður engin bók.  Engin mockumentary.  Engin kvikmynd:  Hrolfur the movie.  Til þess er ég ekki nógu merkilegur.  Til þess er ég of einfaldur og flatur og þeir sem eru í kringum mig of líflausir.  Þessvegna verð ég núna að deyja.  Til að illi tvíburabróðir minn geti aftur farið að nota daginn í skýrslur og rannsóknir og hvað það er sem hann eyðir tímanum sínum í.  Ekki er það að drekka slot´s og horf a á klám, svo mikið er víst.

Þannig að núna stendur hann fyrir aftan mig.  Ekki í kufl og með ljá, frekar bara í jakkafötum og hringlar í bíllyklunum  Ef ég lít við mun ég geta séð mig í síðasta sinn speglast í gleraugunum hans, feitan og sköllóttann karl með blett á bolnum eftir hamborgarasósu og sígarettupakka vafinn inn í ermina á stuttarmabolnum, umkringdur svartri gjörð.  Rammaður inn í sjóndeildahring skapara míns.  Táknrænt fyrir endalok mín.

Ég veit ekki hvað ég á að segja svona í síðasta sinn?  Skál?  Það á ekki við, verð að nota tíman vel, þennan litla tíma sem hann úthlutaði mér núna.  Á ég að segja: minnist mín eins og ég var?  Nei, það er ekki kúl?  Niður með barnaland.is? 

Ég æli.


Næst: fjölskylduleyndamál

Mamma er komin á stjá á efrið hæðinni.  Hún er ennþá í náttkjólnum en núna er hún líka orðin uppdópuð af morfíni, alveg stjörf og gengur um með brúðakjólin sinn í fanginu og strýkur honum, hvíslar:  Þegar ég kynntist James Tyrone þá varð allt gott um sinn...
 
Stopp.  Ég ætla ekki að láta þetta hljóma eins og eitthvað eftur Eugene O´Neill.  
 
Mamma er í náttsloppnum, ranglar um með flösku á vodka í hendinni og keðjureykir og öskrar: ég er ófullnægð!  Ég er ófullnægð!  Hrólfur!  Hvar ertu?  (Grýtir flöskunni í vegg með þeim afleiðingum að flaskan brotnar.) 
 
Stopp.  Of grískt.  Eða of íslenskt?  Skiptir ekki máli.  Þetta er að verða búið og bara tilhneyging til þess að draga skemmtunina á langin, þá sem lesa, örlíið lengur á eyrunum...
 
Mamma enn á stjái á efri hæðinni.  Tekur upp síman sem er ótengdur, hnígur hægt niður á gólfið með símtólið í ananri hendi, símann í hinni og byrjar að tuldra:  Elskan mín, elskan mín, ferður ekki að koma, ég er búin að vera svo ein, svo ein... (Það kveiknar í fyrir aftan hana, eldtungur læsast í gluggatjöld).
 
Guð hvað ég er feginn að hafa ekki reynt að gera skriftir að lifibrauði mínu.  Kannski ég sæki um á Kleppi þegar þetta er afstaðið? 

Reisa ísverksmiðju

Ísverksmiðja er það sem þarf á Grænlandi.  Ís heimskautanna er að bráða og svo nota ég eitthvað af honum út í vískí þegar ég fer á barinn.  Og ég er vissum að ísverksmiðja mengar lítið.  Það væri jafnvel hægt að reisa svoleiðis hérna?  Kannski fæ ég vinnu...  Helvítis kjaftæði er þetta.. Ég er að búa mig undir síðustu færsluna.  Hún kemur í kvöld.  

mbl.is Alcoa skoðar möguleika á að reisa álver á Grænlandi
Tilkynna um óviðeigandi tengingu við frétt

Kornsekkur verður frægur

Magnús Korntop fylgir aumingjatískunni óhræddur og ræðst gegn barnalandskonum af því að það er svo cool.  Það gera alvöru karlmenn.  Þeir eru með skoðanir og kjaft og kúga móðir sína eða eins og í tilfelli Emils, stela peningum frá þroskaheftri tengdamóður sinni og færa kerlingum að gjöf, þeir eru röff.  Þeir vilja líkjast mér.  Ég ætla að taka það á mig.  Ég á sökina eftir að hafa verið óbeint að espa þá upp til dáða með skrifum mínum og kvennfyrirlitningu síðustu vikur.  Ég bara dró þá ályktun að allir sem kynnu á tölvu og gætu skrifað, væru í það minnst fyrir ofan greindarskerðingarmörk.  Nú gerist ég sekur um að ráðast á minnihlutahópa sem eru þeir vaxtaræktarmenn, og biðst ég auðmjóklega afsökunar og hneigi mig; Korntop, Emil, sorry gays!

Það er ekki karlmennska að rífa kjaft bara til þess að rífa kjaft.  Það er aumingjaskapur.  Álíka og að stela úr veskinu hennar mömmu.  Ég er sekur um það tvennt.  Og margt fleirra. Ég vona drengir að þið lærið að ekki eru allir viðhlæjendur vinir.  Ég kann þó vel við ykkur báða.  Þið eruð samt bölvaðir apakettir.  Blendnar tilfinningar. 

Og ég held Magnús að þú hafir nú verið upp með þér yfir því að vera orðaður við babe eins og Hildi og finnist gaman af því að einhver eyddi línu í þig á barnalandi.is.  Ég skil ykkur vel.  Þetta er eina leið okkar minnipokamanna til þess að öðlast einhverja frægð.  Þó að skammvinn sé.  

Þú varst komin með 33 komment Korntop og verður lesin löngu eftir að mitt blogg verður útþurkað og öllum gleymt.  Emil verður ennþá eins og púkinn á fjósbitanum, fitnar yfir ógæfu annara og stoltur af smáþjófnaði og framhjáhaldi.  Er honum viðbjargandi?

Þessu fer brátt að ljúka. 

 

 


Ég elska þig, Emil

Já ég Elska Emil á einhvern hátt.  Þótt að hann sé Kleppari með dónakjaft ogsvo margt, margt annað.  Ég elska hann eins og mömmu eða gamlan lopasokk sem lyktar eins og gall.  Af því að hann er hluti af þessu öllu.  Hluti af stærri heild.  Vertu alltaf velkominn hingað til mín í Fljótaselið, gamli froskur!


mbl.is Ég elska þig, Brad!
Tilkynna um óviðeigandi tengingu við frétt

yfirlýsingar beðið

Ætla að nota tækifærið um leið og ný ríkisstjórn sest á valdastjóla að upplýsa múginn um eitt lítið leyndarmál sem ég hef reynt að fela vel og lengi.  Kannski geri ég það í kvöld?  Skál.


Ég ætla á Klepp

Röllti út á bar í gær.  Þar voru fáir.  Bara þetta dapra miðaldra lið sem situr þar að sumbli öll kvöld og er með lifur á stærð við öskutunnu og gáfnafar á við þroskahefta af sífelldu sötri.  Ég settist við barinn og kjaftaði við konuna sem afgreiddi.  Hún mátti líka muna sinn fífil fegri.  Sennilega á mínum aldri en búinn að missa vöxt og hrukkóttari en mamma.  Hún gaf mér smá snafs.  Ég sagði henni frá atvinnuvandræðum mínum og skapinu í mömmu.  Hún gaf mér gott ráð.  Sagði mér að latir karlmenn ættu mjög auðvelt með að fá vinnu á geðdeildum.  Þar væru engar kröfur gerðar til þeirra sem störfuðu þar önnur en að vera edrú í vinnu og geta lamið vistmenn.  Ég ætla því að sækja um á Kleppi í dag.  Konan kom með mér heim.  Við drukkum tvo bjóra.  Hún tók leigara heim um 3.  Hún átti mann.  Við fórum ekki einu sinni í sleik.  Þar fór bjór í hunds eða tíkarkjaft.

Mun mamma snúa aftur?

Þrátt fyrir að mamma hefði tæmt heila serrýflösku í dag var hún óvenju skýr þegar hún settist niður í lazyboy fyrif framan mig (svo ég sá allt - oj!) og sagði mér (sköðuðum fyrir lífstíð) að ég hefði lengi lofað að sækja um vinnu og alltaf svikið og nú yrði ég að gera það eða fara af heimilinu fyrir fullt og allt.  Mér brá svo mikið að ég fékk hlandgusu framan í mig (myndlíking) og stóð stamandi og slefandi eins og þroskaheftur aumingi eða kynvillingur sem er nýbúinn að gagnast manni eins og ónefndum púka sem ríður röftum í kommentakerfinu.  Og núna er ég eiginlega búinn að missa sjónar af því hvað ég ætlaði að segja með þessari færslu, jú man það núna, verð að fara að vinna, það er víst ekki óg sagði mamma að ég ætlaði að gerast eitthvað helvítis skáld!  Ég er búinn að drekka aðeins of mikið í kvöld.  Bæði vodka og slot´s.  Ég ætla út á barinn fyrir ofan dekkjaverkstæðið, tekur því ekki að fara niður í bæ.

mbl.is Jóhanna snýr aftur í félagsmálaráðuneytið
Tenging við þessa frétt hefur verið rofin vegna kvartana.

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband