Það er engin leið að hætta

Ég er ekki að syngja popplag í g-dúr þeirra Stuðmanna sem lengi hafa hrellt þjóðina.  Ég er undrandi yfir því að fólk taki ekki yfirlýsingum mínum um að skrúfað hafi verið fyrir bloggveituna alvarlega.  Reyndar hafa vinsældir mínar kitlað hégómagirndina og allt það.  Lofa því að leggja höfuðið í bleyti og hugsa málið um helgina hvort Hrólfur rísi upp frá dauðum (á þriðja degi) eða hvort einhver ættingi hans opni bloggsíðu.  Það verður nú samt dálítið skrítið að fara að blogga fyrir uppdiktaða persónu sem fólk veit að er ekki til, frá byrjun?  Hvernig er að lesa blogg eftir einhvern sem er ekki til, heldur bara hugarfóstur?  Er það eins gaman?  Er eitthvað vit í því?  Þetta þarfnast mikilla pælinga.  Jafnvel að ég fletti upp í þykkum bókum.  

Athugasemdir

[Birna Dis Vilbertsdóttir (IP-tala skráð) 26.5.2007 kl. 12:36]

It is a live! Já það er gaman

[Ragga (IP-tala skráð) 26.5.2007 kl. 12:37]

Mér fannst það gaman, samt var það meira gaman áður en brósi fór að brjótast í gegn.

[Anna Einarsdóttir, 26.5.2007 kl. 12:45]

Þetta er eins og munurinn á ævisögu og skáldsögu.  Mér finnst skáldsagan betri, nema ævisöguritarinn sé þeim mun litríkari karakter.

[Anna Einarsdóttir, 26.5.2007 kl. 12:46]

Og skrifaðu svo í gestabókina mína druslan þín !

[Viðar Eggertsson, 26.5.2007 kl. 12:57]

Ef persónan er vel heppnuð, þá er egaman að lesa bloggið hennar, en það er ekki sjálfgefið. Þér hefur tekist vel upp með Hrólf.

En er það ekki rétt skilið að höfundur og leikari Hrólfs sé með sína eigin bloggsíðu? Mig langar að lesa hana líka (kannski er ég alltaf að því!), hver er slóðin á hana?

[Hrólfur Guðmundsson, 26.5.2007 kl. 13:01]

Takk Viðar en höfundur Hrólfs er svo hversdagslegur og venjulegur að það er spurning um að halda honum ennþá til hliðar.  Fólk sofnar stundum yfir síðunni hans.  

[Þröstur Unnar, 26.5.2007 kl. 13:33]

Hvað meinarðu Hrollur, með venjulegur? Ert ekki að grínast?

[Anna Einarsdóttir, 26.5.2007 kl. 13:40]

TAKK Hrólfur elsku kallinn.   Nú sló ég þó met.  Sú eina sem er með draug í gestabókinni.

[Eva Þorsteinsdóttir, 26.5.2007 kl. 17:55]

Skrifaðu bara sjálfur og leyfðu svo Hrólf að koma með andsvar á móti...........þú veist, svona klofinn einstaklingur ;)

[Björn Kr. Bragason, 26.5.2007 kl. 20:16]

Maður vissi alveg frá upphafi að Silvía Nótt var plat, samt hafði maður alltaf gaman að henni. Trúi því þess vegna að Hrólfur eða einhver ættingi hans geti alveg haldið úti skemmtilegu bloggi þótt það sé uppi á yfirborðinu að ekki sé um raunverulega manneskju að ræða.

[Magnús Paul Korntop, 26.5.2007 kl. 21:51]

"huldumaðurinn"blívur.

[halkatla, 26.5.2007 kl. 23:27]

ó já

[Jóna Á. Gísladóttir, 27.5.2007 kl. 01:19]

Hver heldurðu að trúi því að Hrólfur sé uppdiktaður. Hættu þessu helvítis kjaftæði og slepptu þér.

[Brynja Hjaltadóttir, 27.5.2007 kl. 01:28]

Ertu ekki til? Skúffelsi að uppgötva það.

[Zorglúbb (IP-tala skráð) 27.5.2007 kl. 14:01]

Fer ekki kistulagningin að verða búin?

[Hip 2b^2, 27.5.2007 kl. 18:20]

Persónulega get ég ekki sagt að þetta virkar þegar maður veit núna fyrir víst það sem maður grunaði..    Það væri eins og að hafa gaman af atvinnufjölbragðaglímunni í USA.   Sammála Zorglúbbi, live and let die ;)  

[Heiða Þórðar, 28.5.2007 kl. 17:58]

Blessaður vertu, það voru allir með það á hreinu að Hrólfur var uppspuni. Nema kannski þeir með greindarvísitöluna -100. Önnu saga og ósögð! Keep it up boy!

[Alvy Singer, 28.5.2007 kl. 23:34]

Þú ert búinn að klúðra þessu, hefðir aldrei átt að leyfa fólki að pæla í þessu. Ef þú ætlar að halda áfram skaltu byrja aftur eins og ekkert hafi í skorist og það sem fyrst.

[Hulda Dagmar Magnúsdóttir, 29.5.2007 kl. 00:05]

Á tvíburabróðirinn líka Fowler 100 greatest goals?

[Dabba (IP-tala skráð) 29.5.2007 kl. 00:22]

Gaman væri að heyra hlið múttunnar

[Pjetur (IP-tala skráð) 29.5.2007 kl. 01:03]

Ég vil bara byrja á því að þakka þér fyrir frábært blogg. Mér finnst að þú hefðir átt að hætta þegar þú sagðist vera að hætta.. Það hefði verið miklu flottara en að koma aftur og fara að tala um þetta, ekki sem Hrólfur og í einhverjum vafa útaf vinsældum hvort þú eigir að halda áfram... Mér finnst pælingin missa sjarmann sem var svo gríðarlegur.. Það tók mig smá tíma að fatta að þetta var ekki alvöru gaur. Það er ekki til neinn Hrólfur Guðmundsson á Íslandi sem 35 ára.. Ég varð fyrir vonbrigðum en ég varð líka glaður fyrir hönd Hrólfs að hann skyldi ekki hafa verið raunverulegur.. En þessi White-trash pæling er ekkert smá góð og ég vil bara þakka þér kærlega aftur fyrir að hafa stytt mér stundir síðustu vikurnar...  Hlakka til að heyra í þér sem ný persóna :)

[Lesandi (IP-tala skráð) 29.5.2007 kl. 14:25]

Hættu. Það er meira kúl. Þessi færsla skemmdi soldið bloggið...

[Unnur R. H., 29.5.2007 kl. 15:32]

Heyrði bara halda áfram. Það er virkilega gaman að lesa bloggið sem tilbúin manneskja er að gera

kv unns