Illi tvíburabóðir minn!

Ég á tvíburabróðir.  Sem þýðir að hann er 35 ára eins og ég.  Nema að þetta fífl er ekki fituhjassi.  Hann er grannur en jafn hár mér, 186.  Mað fullt af hári.  Jafnvel það allt en reyndar með gleraugu.  Ég mundi segja gott á hann ef ég gengi ekki líka með gleraugu og mín væru ljótari en hans.

Illi tvíburabróðir minn er með menntun í félagsvísindum eða einhverju þannig?  Hann gegnir góðri stöðu.  Hann þarf oft ekki að gera neitt á milli 11 og 13 á daginn og svo eftir klukkan 15-16.  Þá hefur hann oft bloggað.  Illi tvíburabróðir minn nennir ekki alltaf að hanga í tölvuleikjum eða vinna heimaverkefnin sem hann þarf að sinna.  Hann er með asnaleg áhugamál.  Myndlist og bækur.

Þetta skoffín hann tvíburabróðir minn er giftur.  Hann er giftur mjög fallegri fræðikonu.  Hún er það sem ég kalla: eitursvölrokkpía.  Þau eiga heimili í Vesturbænum.  Það er fullt af myndlist og bókum á heimili þeirra.  Fallegum munum og fötum og öllu því sem er ekki til í kjallaranum mínum.  Þau mundu aldrei drekka slot´s.

Öfugt við mig þá reykir illi tvíburinn ekki.  Hann syndir og skokkar.  Hann drekkur rauðvín.  Ég mundi aldrei drekka svoleiðis hland.  Hann er góður kokkur.  Hann borðar grænmeti og speltbrauð.  Aldrei hammara og pizzur.

Ég nenni ekki einu sinni að blogga um þetta peð án þess að fá gall upp í háls.  Oj.  Hann er svo mikið erkifífl.  Ég held samt að ég hafi laumað honum í einhverja færslu?  Ég man það ekki?  Mér finnst hann leiðinlegur.  Hann er búinn að missa áhugan á mér.

Og hefjast nú játningar.

Illi tvíburabróðir minn sem stendur núna fyrir aftan mig með hengingaól hefur ekkert á móti femínistum.  Hann og kona hans eru bæði femínistar og ala unglingspilt upp við þær hugsjónir.  Þó ekki samt eftir línu femínistafélags Íslands, heldur ýmsum kenningum sem þau hafa viðað að sér.

Helvítið hann tvíburabróðir minn sem er að ónáða mig með því að blístra útfaramars, þekkir ekkert til Hildi Lillendalhs skáldkonu og hefur ekkert á móti henni.  Hann hafði gaman af þeim ljóðum eftir hana sem hann sá birtast í blöðum og hafði heyrt það frá kunnugum að hún væri mikil netkona og stæði stundum í stappi við smámenni á netinu.  Honum fannst fyndið að bögga hana með því.  Og greyið Korntop í leiðinni.  Hann sér eftir því og biðst afsökunar.

Eins vill þetta smámenni sem fæddist örlítið á undan mér biðja zordisi afsökunar, salvor, ellyarmans, dauðarokkara, femínista, konur á barnalandi.is, og alla þá sem hann skeytti skapi sínu á eða hæddi í gegnum mig.  Honum fannst það stundum fyndið en oft fékk hann hroll yfir því hvað hann gekk langt.  Til dæmis á síðum zordis.blog.is og hugsaðu.blog.is.  Þar hagaði hann sér eins og Emil en ekki fullorðinn karlmaður.

Reyndar er malika666 ráðgáta.  Hún þóttist þekkja Hrólf og fyrstu konu hans.  Það finnst okkur bræðrum báðum fyndið.  Við óskum henni alls hins besta en vitneskjan um að einhver gæti líkst Hrólfi er frábær.  Nafnið valdi sá illi af gömlum skólabróður.  Vonandi er það þó ekki hann? 

Smámenninu, þessu bölvaða dusilmenni sem blés í mig líf eins og rabbíni í gólem, bara til þess svo að taka mig úr umferð þegar ég var loksins að öðlast viðurkenningu, óska ég alls ills.  Það er þó ólíklegt að hann taki mark á bölbænum frá mér.  Ég er nánast feigur núna.

Reyndar hafði illi tvíburinn gaman af því hvað það er skemmtilegt fólk á moggablogginu í bland við asna og umrenninga.  Bloggumrenninga.  Honum fannst ég eignast mikið af cool vinum, fólki sem tók mér eins og ég var.  Líka mömmu.  Mömmu sem hann ætlar að leggja inn á Klepp á eftir.  Svo keyrir hann mig á Vog.  Þannig endar þetta.  Við stígum upp í bíl og hann ekur með mig út í eitthvað fokkings úthverfi og lætur mig í umsjón lækna og ráðgjafa sem munu kenna mér að biðja og gera úr mér betri mann.  Kannski er það bara best?

En það verður engin bók.  Engin mockumentary.  Engin kvikmynd:  Hrolfur the movie.  Til þess er ég ekki nógu merkilegur.  Til þess er ég of einfaldur og flatur og þeir sem eru í kringum mig of líflausir.  Þessvegna verð ég núna að deyja.  Til að illi tvíburabróðir minn geti aftur farið að nota daginn í skýrslur og rannsóknir og hvað það er sem hann eyðir tímanum sínum í.  Ekki er það að drekka slot´s og horf a á klám, svo mikið er víst.

Þannig að núna stendur hann fyrir aftan mig.  Ekki í kufl og með ljá, frekar bara í jakkafötum og hringlar í bíllyklunum  Ef ég lít við mun ég geta séð mig í síðasta sinn speglast í gleraugunum hans, feitan og sköllóttann karl með blett á bolnum eftir hamborgarasósu og sígarettupakka vafinn inn í ermina á stuttarmabolnum, umkringdur svartri gjörð.  Rammaður inn í sjóndeildahring skapara míns.  Táknrænt fyrir endalok mín.

Ég veit ekki hvað ég á að segja svona í síðasta sinn?  Skál?  Það á ekki við, verð að nota tíman vel, þennan litla tíma sem hann úthlutaði mér núna.  Á ég að segja: minnist mín eins og ég var?  Nei, það er ekki kúl?  Niður með barnaland.is? 

Ég æli.

Athugasemdir

[Eva Þorsteinsdóttir, 23.5.2007 kl. 20:52]

Hehehehehe.........hvað er svo nafnið á vonda tvibbanum?

Til hamingju með uppáhalds sögupersónu mína.......eða á eg að fara að gráta......uhuhuhuhu???

Hann er jú að yfirgefa okkur?

[Ragga (IP-tala skráð) 23.5.2007 kl. 20:56]

Hvíl í friði Hrólfur.

[V (IP-tala skráð) 23.5.2007 kl. 20:58]

Þú ert snillingur!

[Birna Dis Vilbertsdóttir (IP-tala skráð) 23.5.2007 kl. 21:08]

huhuhuhu  þín verður sárt saknað. Getur "illi"tvíbbinn þinn ekki kíkt á bloggið þitt á meðan þú ert að læra að verða betri maður?Þú gætir allavega hringt fyrirmæli til hans í símatímanum af Vogi.. Minning þín lifir.

[Jenný Anna Baldursdóttir, 23.5.2007 kl. 21:08]

Æi þetta var of gott til að vera satt.  Nebb fínt að Hrólfur hefur runnið sitt skeið á enda en ég sakna hans samt. Búhú!

[Guðrún (IP-tala skráð) 23.5.2007 kl. 21:17]

 SNILLINGUR!

Guðrún.

[Stríða, 23.5.2007 kl. 21:20]

Neiiiiiiiiiiiiiiiiiii...............Ertu hnakki? Þarf að æla..........

[Hrólfur Guðmundsson, 23.5.2007 kl. 21:26]

Hnakkar skrifa ekki.

[Kristín Katla Árnadóttir, 23.5.2007 kl. 21:28]

Guð Hrólfur hvað þú átt bát.

[gerður rósa gunnarsdóttir, 23.5.2007 kl. 21:30]

Æjji :(
Ég er ósammála þessu með að þú sjálfur sért of einfaldur og flatur og fólkið umhverfis líflaust. Ég trúði þessu öllu ... nema þetta með að horfa á Titanic með mömmu, það var too much ;)
Mér fannst Hrólfur vera indæll psýkópati sem væri trúandi til alls og því spennandi að fylgjast með.
Hefðir átt að halda áfram.

[Stríða, 23.5.2007 kl. 21:31]

Hrólfur, ertu giftur maður í vesturbænum með multiple personality disorder?

[Hrólfur Guðmundsson, 23.5.2007 kl. 21:39]

Ágæta fólk takk fyrir kveðjurnar.  (Hrólfsómyndin bara kurteis?) Látið bara Emil ekki traðka þessa gröf í svaðið með klámi.  Ég veit ekki hvað ég á að hætta mér (og finnast sniðugt undir fölskuflaggi Hrólfs) að svara miklu hérna.  En ég kem eflaust aftur.  Á einn eða annann hátt.  

[Guðríður Hrefna Haraldsdóttir, 23.5.2007 kl. 21:41]

Mikið á ég eftir að sakna þín. Þú hefur lífgað mikið upp á bloggheima. Ætlaði að kíkja á frétt sem þú hafðir hlekkjað við eina færsluna að einhver hefði kært þig fyrir óviðeigandi tengingu og fréttin var fjarlægð!!! Fékk hláturskast! Hvað er að fólki? Það hefðu án efa allir gleypt við því ef þið mútta hefðuð horft á Van Damme-mynd saman. Titanic er viðbjóður! Alla vega lagið!

[Hrólfur Guðmundsson, 23.5.2007 kl. 21:43]

Ég elska lagið.  Nei ég meina Hrólfur.  Ég er meiri pönkari.

[Ragga (IP-tala skráð) 23.5.2007 kl. 21:47]

Hvort sem þú kemur aftur sem Hrólfur eða brósi þá verður eflaust gaman að lesa þig, þó svo að Hrólfur þó ótrúverðugur væri var mjög svo skemmtilegur karakter.

Djöfull er ég fegin núna að þurfa ekki að éta neitt ofaní mig :þ 

[Hrólfur Guðmundsson, 23.5.2007 kl. 21:48]

Kæra Malika, ég veit að ég er mjög myndarlegur (ekki með umdeilda fegurð eins og Hrólfur og Emil) en það þýðir ekkert að reyna við mig, ég er vel giftur.

Við eigum aldrei eftir að horfa saman á Títanik, tvö ein. 

[Hrólfur Guðmundsson, 23.5.2007 kl. 21:50]

ÞArft ekkert að éta Ragga en mátt skála í rauðvíni, einhverju ekki of dýru (listamenn eru alltaf blankir) en frá chile helst.

[Ragga (IP-tala skráð) 23.5.2007 kl. 21:51]

Myndi skála ef ég ætti til eins og eina flösku... ég er svo blönk sjáðu til.  Það verður því bara að bíða betri tíma.

[Hrólfur Guðmundsson, 23.5.2007 kl. 21:53]

Þegar þú verður búin að selja mér verk.  Eftir útskrift.  Eða eitthvað.

Hvað api er þetta fyrir ofan mig? Þessi með gleraugun.

[Ragga (IP-tala skráð) 23.5.2007 kl. 21:56]

Ja ég býst við að betur gangi að bjóða brósa og frú á sýningu heldur en Hrólfi nokkurntíma ;)

[Katrín Snæhólm Baldursdóttir, 23.5.2007 kl. 21:56]

Ég er fátæk llistakona sem skála stundum í rauðu...en ég er að hugsa um blogg sem kom upp um daginn þar sem einn sagðist ætla að gera sér eitthvað og gerði það í beinni fyrir framan alla bloggvini sína.....þá varð gamanið grátt og maðurinn steindauður hangandi fyrir framan alla sem hélu að allt væri grín. Það var ekki fyndið jók.

[Ragga (IP-tala skráð) 23.5.2007 kl. 21:58]

Vá, hvernig kom þessi tenging?

[Hrólfur Guðmundsson, 23.5.2007 kl. 21:59]

Hrólfur og hans vinir verða ekki útskýrðir.

[Stríða, 23.5.2007 kl. 22:01]

Hrólfur er Ágúst, ekki er það sama og sjálfsmorð Katrín?

 Hvað er í gangi með þetta blog. BRING BACK HRÓLFUR!

[Hrólfur Guðmundsson, 23.5.2007 kl. 22:11]

Gleymdi ég ekki að segja frá því að Hrólfur er með ljótt rautt exem í kringum nafnlan?

[Ragga (IP-tala skráð) 23.5.2007 kl. 22:13]

Takk fyrir að deila því með okkur!

[Stríða, 23.5.2007 kl. 22:13]

hvað er nafnlan, nýtt net fyrirtæki?

[Hrólfur Guðmundsson, 23.5.2007 kl. 22:16]

Stríða: Ef þú hefðir alltaf verið svona skemmtilegur þá hefði ég aldrei hætt sem Hrólfur.

Malika: Skal vera svaramaður feitasaurs hvernær sem er. 

[mengele (IP-tala skráð) 23.5.2007 kl. 22:22]

Ekki Fara!!!! veit ei hvurnig skal eiða deginum eftir að þú ert farinn. Þú ert fyrirmynd og Guð í mínum augum... Takk samt fyrir dægrastyttinguna

[halkatla, 23.5.2007 kl. 22:22]

lokaorðin segja það allt

[Hrólfur Guðmundsson, 23.5.2007 kl. 22:25]

Mangele takk fyrir að brjóta boðorð og telja mig guð.  Ég sný aftur hér á blog.is undir öðru heiti en þó ekki strax.  Eftir 2-3 mánuði þegar allir hafa gleymt Hrólfi.  Þegar Emil verður kominn í netlaust sambýli.

[Þröstur Unnar, 23.5.2007 kl. 22:29]

Þetta er verra en barnaland!

[Hrólfur Guðmundsson, 23.5.2007 kl. 22:45]

Ég ætla að þakka Klaus einhverjum þjóðverja fyrir að ,,lána" mér mynd af sér af Myspace þar sem hann vara að reyna að hössla.  Takk.

[Birna Dis Vilbertsdóttir (IP-tala skráð) 23.5.2007 kl. 23:26]

Takk"Hrólfur"

[Magnús Paul Korntop, 23.5.2007 kl. 23:42]

Takk fyrir mig Hrólfur.

[Guðrún (IP-tala skráð) 23.5.2007 kl. 23:49]

Þú ert yndi

Guðrún.

[Haukur Viðar, 24.5.2007 kl. 00:08]

Hahaha klassík!

[Heiða B. Heiðars, 24.5.2007 kl. 01:04]

Úff.. Takk!

Minn "evil twin" sem hefur alltaf verið til vandræða varð allt í einu eitthvað svo... ágætur

Takk fyrir mig 

[Björn I (IP-tala skráð) 24.5.2007 kl. 09:33]

Ég hefði viljað að þú héldir áfram sem Hrólfur, enda var þetta blogg með því betra hér á mogganum.

Ég segi bara eins og ein söguhetjan þín : 

Hrólfur minn, Hrólfur minn, Hví gerir þú mér þetta?

Þó þú hafir auðvitað ekki gert mér neitt

[Nron (IP-tala skráð) 24.5.2007 kl. 10:24]

Hva þú hefur það bara gott í náttfatapartýinu í rúma viku og svo skötlastu bara á Feita dverginn og byrjar að blogga aftur

[Skonsan (IP-tala skráð) 24.5.2007 kl. 10:32]

Ekki fara hætta núna.. Ef þú heldur áfram með þessar frábæru sögur er aldrei að vita nema BYR fari að borga þér big money fyrir auglýsingapláss... Þá geturu loksins sagt mömmu þinni að þú sért komin með hálfgerða vinnu og getur kannski splæst á hana 1944 rétt á milli slots glasa...

[Animalía (IP-tala skráð) 24.5.2007 kl. 11:32]

Búin að spotta bróður þinn... Aðdáandi bóka Tove Jansson, búinn að vera í "blogglægð" sjálfur og á heimili hans er væntanlega fölnandi  appelsínugulur blómvöndur sem eiginkona hans færði honum um daginn.

[Animalía (IP-tala skráð) 24.5.2007 kl. 11:34]

Gleymdi einu - takk fyrir góða skemmtun!

[Zorglúbb (IP-tala skráð) 24.5.2007 kl. 12:01]

Megi Hrollur hvíla í friði

[Hrólfur Guðmundsson, 24.5.2007 kl. 12:25]

Enn og aftur takk allir og Emil Kleppari fyrir kveðjur og hlýhug í minn (Hrólfs) garð.  Ég er að sjálfsögðu enn að drekka en illitvíburinn er að ljúka hádegismat.  Megi hann líka puða í víti.

[Ragga (IP-tala skráð) 24.5.2007 kl. 13:50]

Vá...

[Auður H Ingólfsdóttir (IP-tala skráð) 24.5.2007 kl. 14:38]

Það er bara svona - karlkynsútgáfa af Sylvíu Nótt? Spurning um þátttöku í næstu Eurovision

Vona í það minnsta að þú skrifir áfram. Alveg bullandi ritfær og hugmyndaríkur. Synd að nota ekki slíkar gjafir sjálfum sér og öðrum til gleði og yndisauka

[Stríða (IP-tala skráð) 24.5.2007 kl. 14:39]

Uss uss, þetta getur ekki verið:

Illitvíburinn

[Animalía (IP-tala skráð) 24.5.2007 kl. 14:44]

Nei, nei, Stríða, Ágúst Borgþór kemur hvergi nærri. Lestu það sem ég skrifaði hér að ofan og farðu svo að leika þér í Google.

[Hrólfur Guðmundsson, 24.5.2007 kl. 15:04]

Emil, sá snillingur, googlaði mig í Svíþjóð í gær.  En hann er líka með smokk á hausnum.

[Ragga (IP-tala skráð) 24.5.2007 kl. 15:11]

Bíddu, bíddu... er Svíþjóð í vesturbænum!?

[petra (IP-tala skráð) 24.5.2007 kl. 15:24]

ég veit hver hrólfur er.  Hrólfur er kona.

http://thordis.blogspot.com

[Animalía (IP-tala skráð) 24.5.2007 kl. 15:26]

Æ nei, petra, það eru fleiri aðdáendur Múmínálfanna en hún Þórdís blessunin.

[Snillingur (IP-tala skráð) 24.5.2007 kl. 15:33]

Afhverju ekki bara skella nafninu inn?  Heimasíðu og öllu?  Einhver vanvitinn yrði þá bloggfrægur á Hrólfskostnað!

[Animalía (IP-tala skráð) 24.5.2007 kl. 15:35]

Ef ég vildi "koma upp um" hann hefði ég sett inn meiri upplýsingar. Þessar ágiskanir sem hafa komið í kjölfar fyrstu athugasemdar minnar eru bara skemmtilegar. Eitthvað til að lesa þegar lítið er að gera í vinnunni.

[Ragga (IP-tala skráð) 24.5.2007 kl. 15:41]

Held að hann geti sjálfur komið sér út úr skápnum kjósi hann að gera það. Það er nú ekki svo erfitt að því er virðist að finna kauða, búin að skoða hitt bloggið, held kjaftinum (puttunum?) samt saman.

[Hrólfur Guðmundsson, 24.5.2007 kl. 15:50]

Fæ ég ekki að vera dauður í friði?

[Vembill (IP-tala skráð) 24.5.2007 kl. 15:53]

Mér dettur þessi í hug.  Hrólfur hefur kommentað á hann nokkrum sinnum undanfarna daga og hann er að svipuðum aldri með gleraugu og giftur!

http://thotustrik.blogspot.com/

[Ragga (IP-tala skráð) 24.5.2007 kl. 16:16]

Væri ekki ágætt að leyfa Hrólfi að vera dauður í friði og hætta að koma með saklaus blog hingað inn?

[Stríða, 24.5.2007 kl. 17:04]

Nei Ragga!

[Björg F (IP-tala skráð) 24.5.2007 kl. 17:45]

Láttu bara þinn illa tvíburabróðir blogga í staðin og komdu svo í gegnum hann reglulega.. þú mátt ekki deyja í friði.. afturgöngur eru alltaf lang flottastar.. svo við særum þig upp!  Skál í ótæmandi botn

[Anna Einarsdóttir, 24.5.2007 kl. 21:08]

Þetta heitir að vera seinheppin !  Ég uppgötvaði þig þegar þú varst dauður.   Votta þér ómælda virðingu mína.

[Hrólfur Guðmundsson, 24.5.2007 kl. 22:37]

Hef samt lúmst gaman af samsæriskenningum um hver ég sé.  Eiginlega meira gaman en að blogga ef út í það er farið...

[Kristín Katla Árnadóttir, 24.5.2007 kl. 23:37]

Haha djöfull ertu fyndin Hrólfur, you made my day.

[Didda, 25.5.2007 kl. 09:37]

Er á meðan er, hvað á ég nú að gera þegar mér leiðist fyrst þú ert hættur að blogga,  spurning um rauðvín og geðveikistöflur

[Ragga (IP-tala skráð) 25.5.2007 kl. 10:38]

Hahaha góður Herra Limran :D

[Hrólfur Guðmundsson, 25.5.2007 kl. 11:20]

Held að prósak og rauðvín sé fínblanda og svo limrur herra Limran, sem BTW er snillingur sem liggur óbættur hjá garði.  En engin bók um Hrólf því miður.

Samt sakna ég þess smá að blogga og blogg kunningja.

[Magnús Paul Korntop, 25.5.2007 kl. 11:43]

Þessa bloggs verður sárt saknað.

[Anna Einarsdóttir, 25.5.2007 kl. 14:09]

Hrólfur.   Þú þarft ekkert endilega að hætta þótt upp um þig hafi komist.  Núna væri t.d. fínt ef þú færir í fangelsi fyrir það.  Fengir líka dæmda á þig þá þegnskylduvinnu að verða að blogga einu sinni á dag, lágmark til að bæta fyrir öll helv. brotin þín, lygina, drykkjuna, móðurharðindin og allan pakkann.

[Guðríður Hrefna Haraldsdóttir, 25.5.2007 kl. 14:37]

Er komin með fráhvarfseinkenni!

[Hrólfur Guðmundsson, 25.5.2007 kl. 14:51]

Djísús. Á ég nú að engjast um af samviskubiti ofan á allt annað?

[Guðríður Hrefna Haraldsdóttir, 25.5.2007 kl. 15:29]

Úps, nei. Ekki vil ég vanþakka alla skemmtunina með því. Pínku samviskubit væri þó allt í lagi. 

[Norn (IP-tala skráð) 25.5.2007 kl. 15:35]

Sæll Hrólfur

Viðskiptin hafa verulega dalað á barnum fyrir ofan dekkjaverkstæðið og fastakúnnarnir hafa hótað að hætta að mæta nema þú farir að láta sjá þig og haldir áfram að blogga.  Ég hef bara ekki efni á því að verða gjaldþrota aftur svo hristu af þér aumingjadóminn og vaknaðu til lífsins.  2 fyrir 1 á barnum í kvöld og topplausar píur af Smiðjuveginum.

Kveðja

Eggert eigandi barsins fyrir ofan dekkjaverkstæðið  

[Hrólfur Guðmundsson, 25.5.2007 kl. 15:42]

Tja, það hljómar nú of vel til þess að ég geti setið og horft á tvíburabróðir minn sulla í einhverju hommarauðvíni!  Spurning um að læðast út og heim til mömmu á meðan fangavörðurinn eldar?

[Ragga (IP-tala skráð) 25.5.2007 kl. 15:44]

Það hljómar vel!  Prison break!

[Anna Einarsdóttir, 25.5.2007 kl. 15:52]

Ég hef aldrei séð svona margar athugasemdir við eina færslu.  Þær ná niður í kjallara hjá mér - og samt er ég ekki með kjallara.

Reyndu að blöffa fangavarðardrusluna.  Það er ótækt að missa af 2 fyrir 1 tilboðinu.

[Birna Dis Vilbertsdóttir (IP-tala skráð) 25.5.2007 kl. 17:44]

HRÓLFUR,HRÓLFUR KOMDU AFTUR. VIÐ SÖKNUM ÞÍN

[nosferatu, 25.5.2007 kl. 18:06]

Svona ætlaði ég að verða þegar ég yrði stór!

[Hrólfur Guðmundsson, 25.5.2007 kl. 19:52]

Kæra fólk, ég get ekki farið að blogga aftur sem Hrólfur, þið munið lesa það og hugsa: lygar og skáldskapur saminn á meðan hann drekkur rauðvín og bíður þess að speltbrauðið bakist!

Þannig að Hrólfur er bara Hrólfur heitinn.  

Það er heldur ekki hægt að kommenta eftir dauðann! 

[Ragga (IP-tala skráð) 25.5.2007 kl. 20:02]

Það er rétt.

Bloggaðu bara hinu megin, þú ert skemmtilegur penni. 

[gerður rósa gunnarsdóttir, 25.5.2007 kl. 20:04]

Það er ekkert gaman að moggablogginu lengur fyrst þú ert farinn.

[Hrólfur Guðmundsson, 25.5.2007 kl. 20:07]

Hinum megin? Ég er ekki dáinn, bara hættur að blogga!!!

Moggabloggið var hvort eða er fúllt!

[Ragga (IP-tala skráð) 25.5.2007 kl. 20:13]

Ég átti við hitt bloggið ;)

[Hrólfur Guðmundsson, 25.5.2007 kl. 20:15]

Hitt bloggið... Þú veist ekki neitt... Enda mundir þú þá hinta úr því eða eitthvað... (Hlær eins og geðsjúkur einræðisherra sem er að leggja undir sig Sovétríkin)!

[Ragnheiður , 25.5.2007 kl. 20:16]

Æj vert´ekki að þessu, þú ert bráðskemmtilegt lík ! Takk fyrir góða skemmtun fram að þessu

[Ragga (IP-tala skráð) 25.5.2007 kl. 20:33]

Vertu nú ekki svo viss, ég er að bíða eftir því að þú komir aftur úr hádegismatnum.

[Alvilda Gunnhildur Magnúsdóttir (IP-tala skráð) 25.5.2007 kl. 20:37]

Þessi fígúra Hrólfur var skemmtilegur um tíma en allt hefur sín takmörk. Þegar hann er farinn að úthúða fólki sem hann þekkir ekki bæði hér og á barnaland þá er kominn tími fyrir hann að hætta.....það sem hann þar að auki kemur ekki fram sem hann sjálfur.

Hugsaðu vel um fjölskylduna þína og gangi ykkur vel 

[Hrólfur Guðmundsson, 25.5.2007 kl. 20:41]

Kæmi ekki nálægt barnalandi.is frekar en ég svæfi hjá þér!

Tvíburabróðirinn dó rauðvínsdauða ofan í nýbakaða speltbrauðið sitt og ég ræð hérna í kommentakerfinu! 

[Þröstur Unnar, 25.5.2007 kl. 20:44]

Gott kallinn, er að koma í öl. Nýtt heimilisfang?

[gerður rósa gunnarsdóttir, 25.5.2007 kl. 20:47]

Skoh; alveg kominn í karakter. Hann getur ekki hætt hehe

[Þröstur Unnar, 25.5.2007 kl. 20:56]

Hólfur farðu svo að koma með blogg..nenni ekki alltaf að skrolla niður þessum kommentablaðsíðum, eða er stefnan á að setja kommentamet?

[Ragga (IP-tala skráð) 25.5.2007 kl. 21:02]

Mér er illt í skrollputtanum!

[Anna Einarsdóttir, 25.5.2007 kl. 21:05]

Jahérna, tillitsleysið !  Ég skrollaði í hálfa mínútu, bara til að lesa að einhverri konu væri illt í skrollputtanum

[Hrólfur Guðmundsson, 25.5.2007 kl. 21:11]

Konur eru konum verstar.  Tvíburinn ennþá dauður.

[gerður rósa gunnarsdóttir, 25.5.2007 kl. 21:44]

Eruð þið þá báðir dauðir sem stendur? Hver er þá að kommenta, í Hrólfs nafni? Móðir ykkar? Hvernig tekur hún þessu annars? Búin að missa báða sonu sína. Er hún komin í brúðarkjólinn? Gat hún rennt upp að aftan? Er hún búin með allt sérríið?

[Hrólfur Guðmundsson, 25.5.2007 kl. 21:50]

Emil er að kommenta. Fær 20 kr á tímann.

[Jóna Á. Gísladóttir, 26.5.2007 kl. 02:20]

Ég er lost. Enda ljóska.