Hrólfur Guðmundsson

Fann fjársjóð á botni kvennmannsveskis

Var búinn að vera ómögulegur í dag og andlaus. Eigandi kassa af bjór og flösku af vodka síðan amma lét mig fá húsbyggingarstyrk en ekkert kass til að fara í bæinn. Horfði upp á það að þurfa að vera inni í þessu góða veðri og drekka fyrir framan tölvuna. Oj. Mamma óvenju fúl og svarar ekki hringingum mínum og mig grunar hana um að senda mig beint í talhólfið á gemsanum sínum. Ætli hana gruni að ég sá orðinn örlítið blankur?

Tók mig loks saman í andlitinu og læddist upp. Ætklaði að laumast í veskið hennar mömmu og nappa úr því fimmara en fékk allt í einu einhvern sting fyrir hjartað. Fannst sem ég ætti ekki að vera að fá arfinn svona hægt og rólega fyrirfram hjá mömmu. Djöfullinn var eiginlega að koma yfir mig? Stóð með veskið hennar mömmu í höndunum við hliðina á símanum hennar sem byrjaði einmitt að hringja. Mér dauðbrá og missti næstum veskið. Sú gamla kom út úr eldhúsinu og leit á mig með svo döprum svip að ég fann fyrir kökk í hálsinum. Hrólfur minn, sagði hún lágt, svo lágt að ég gat varla heyrt það, ef þig vanta pening skal ég gef þér hann. Ég gat ekki sagt neitt. Reyndi að koma uppúr mér: mig vantar ekki neitt, mamma mín, en það heyrðist varla. Svo tók mamma af mér veskið og fór út í bíl og ók í burtu. Ég gat séð hana bíta saman vörum fyrir aftan stýrið. Ég fékk mér einn kaldann og retykti. Vonaði að mamma yrði búin að jafna sig fljótt. Ekki svo löngu síðar kom mamma niður til mín og taldi á borðið hjá mér 45000 krónur og sagði: meira átti ég ekki Hrólfur minn, ég vona að þetta smáræði geri þig hamingjusamann.

Núna drekk ég og horfi á peningabunkann og langar ekki til þess að eiga þessa peninga eða eyða þeim. Ég heyri líka að mamma er að hlusta á Frank Sinatra á miklum styrk eflaust búin að fá sér staup, elsku gamla konan. Kannski hún fari að leita í áfengi vegna þess að hún hefur áhyggjur af mér? Hef ekki glóru um það en veit bara að mér finnst rangt að hafa af henni þessa peninga og mér finnst að ég ætti að bæta henni allt sem ég hef gert á hennar hálfu upp! Helvítis kerlingarnar á barnalandi.is hafa kannski rétt fyrir sér? Ég er kannski dusilmenni?

	Fjársjóður fannst í sokknu skipi á botni Atlantshafs
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | 18.5.2007 | 16:13 | Facebook

Athugasemdir

Nei þú virðist ekki vera svo slæmur ;)

Ragga (IP-tala skráð) 18.5.2007 kl. 16:40

Farð þú að eltast við tjellingar Emmi skalli!

Takk Ragga, ég held að ég sé ekki vonlaus!

Hrólfur Guðmundsson, 18.5.2007 kl. 16:47

Dusilmenni hefði tekið peninginn án samviskubits þannig að þú getur ekki verið svo slæmur ;)

Vertu nú góður við Mömmu þína.

Eva Þorsteinsdóttir, 18.5.2007 kl. 16:50

Er að hugsa um að fara með peningana í kassann og setja þá alla í hann og taka svo út það sem ég græði, hvort sem það verður 5 eða 500 þús og hreinsa þá þannig. Þá get ég spreðað þeim án samviskubits.

Hrólfur Guðmundsson, 18.5.2007 kl. 16:53

Ætli maður hendist ekki niður á Mónakó eftir mat. Fullt af kössum, seldur bjór og má líka reykja þar!

Hrólfur Guðmundsson, 18.5.2007 kl. 17:13