Mamma miðaði á mig byssu

Allavegana kom hún hingað niður og vakti mig rétt fyrir níu.  Það er ókristilegur tími.  Hún sagði að í dag hefði ég lofað að þrífa og taka til og byrja að leita að vinnu.  Ég mundi ekki eftir að hafa lofað mér í þrældóm en þá veifaði hún framan í mig einhverju plaggi sem ég hafði undirritaða á laugadaginn eftir nokkra drykki og mikið rétt - ég hafi víst lofað einhverju.  Ég sparkaði í ruslatunnuna við rúmið hjá mér af pirringi.  Hún fór um koll og drasl og einhver óræður vökvi lak yfir teppið.  Oj, lyktin var viðbjóður.

Þannig að í morgun hef ég ryksugað, moppað og tekið til.  Fann mikið af mat undir rúminu hjá mér, líka eintaka af ass worship.  Eintakið var í lagi og ennþá sígild snilld.  Maturinn grænn og harður.  Mest pizzur og fransktar kartöflur.  Líka slatti af snakkmylsnu.  Núna er ég reyndar fyrst að setjast niður.  Fyrsta pásan fyrir utan lögboðnar sígaretturpásur.  Ég er þreyttur.  Held að ég hafi ekki þrifið hérna síðan jólin 2005 en það gertur verið að mig misminni?

Það er ekkert áfengi til og ég er blankur.  Veit að það þýðir ekki að biðja mömmu um pening fyrr en hún hættir að ota að mér þessari andlegu byssu sem loforðið mitt uppáskrifað er.  Ég þarf víst að fara að leita mér að vinnu.  Allavegana að sækja einhverstaðar um.  Hvernig gerir maður það?  Í gegnum netið?  Sendir maður með pósti?  Hvað get ég unnið?  Hvað kann ég?  Þetta er ljóta kreppan. 

Oj, ég er kúgaður. 

Veifuðu byssu framan í ökumann dráttarvélar á Þorlákshafnarvegi

Athugasemdir

[Hrólfur Guðmundsson, 14.5.2007 kl. 12:24]

Já 24 nýjir atvinnuleysingjar.  EMð betri menntun en ég.  Ég á ekki séns.

[Eyjólfur (IP-tala skráð) 14.5.2007 kl. 12:42]

Hvernig væri þá bara að mennta sig og hætta þessari sjálfsvorkunn?

[Heiða B. Heiðars, 14.5.2007 kl. 12:44]

Eyjólfur; Láttu ekki svona. Hefurðu hugsað út í að kannski er mamma hans Hrólfs bara svona hrikalega leiðinleg og afskiptasöm?
Hvað er hún að skipta sér af fullorðnum manninum? Svo finnst mér líka undarlegt hvað hún virðist hafa mikinn frítíma til að röfla, kaupa sígarettur osfrv. Vinnur konan ekkert?

[Hrólfur Guðmundsson, 14.5.2007 kl. 12:45]

Ég er of gamall til að fara í skóla!

[Magnús Paul Korntop, 14.5.2007 kl. 16:04]

Hrólfur,þú ert annálaður snillingur,lengi lifi Hrólfur Guðmundsson og bloggið hans,þú ert skemmtikraftur.

[Hrólfur Guðmundsson, 14.5.2007 kl. 16:08]

Ég er bæði Halli og Laddi.