Forsetinn hress - ég búinn að vera fullur alltof lengi

Og mig langar aðeins til þess að það fari að renna af mér, þó það væri ekki til annars en að geta lesið þessa frétt af forsetanum eða tekið mygluðu pizzuna af stofuborðinu og hennt henni í ruslið eða opnað nýjan bjór eða kveikt í sígarettu eða hennt mér út um gluggann.  En ég get ekkert af þessu.  Man bara að ég var hérna síðast heima á mánudaginn eða miðvikudaginn eða bloggaði ég einhverstaðar?  Hef ég bloggað?  Hef ég lifað?  Ég veit ekki neitt!  Ég veit ekki neitt! 

Ég veit bara að ég var eitthvað búinn að nefna það hérna að aðfaranótt 1. maí hafi ég rekist á fríðleikskonu á GrandRokk og farið í sleik við hana og leyft henni að setja hönd á viðkvæma bungu framan á buxunum hjá mér og farið með henni heim og vaknað með hana við hlið mér og séð að hún var bæði eldra og skemmdara eintak í birtu en myrkri.  En hvað með það, það var frídagur verkalýðsins og ég ekkert að fara neitt og kerling átti bús, bæði Nabblajónskonna og bjór.  Svo ég gat stytt mér stundir við pizzuát og drykkju á heimili hennar og horft á dóttir hennar striplast fram og til baka á nærbuxum (átján, nítján ára mannbær mær) fram á miðvikudagskvöld.  Var ég þá eiginlega búinn að koma mér útúr húsi er ég syndi dóttir hennar og vinkonu hversu loðinn ég er á milli nára og nafla. 

Ég skakkalappaðist frá þessari konu sem verður meiri og meiri herfa eftir því sem lengra er liðið síðan ég deildi með henni rúmi, út á rökkvaðan Skólavörðustíginn og þaðan á Ölstofuna.  Ætlaði að fá mér einn rétt til þess að draga úr mesta skjálftanum.  Rakst þar á Reyni sem var að fagna útborgun og eftir engar fortölur fór ég með honum á Grand.  Þar fengum við okkur meiri bjór og ég tapaði 10þús í kassanum.  Þaðan fórum við á Vitabar í hammara og bjór.  Mónakó var næst og þar var það einn bjór og 20þúsund í kassann.  Helvítis.  Svo Dillon og aftur var vaknað í húsi kerlingar á Skólavörðustíg.  Staulaðist að morgunverðarborði þar og þáði kornfleks og heyrði kerlingu segja við dótturina:  Þessi elska sagðist elska mig í nótt, er það ekki sætt? 

Þessi elska hljóp út með buxurnar á hælunum og ætlaði sér beint í strætó upp í Breiðholt (og hefði betur gert það, þá hefði ekki tekið á móti honum í stofunni pizza ein nokkuð græn og svo staðinn slot´s að hann var orðinn að sandi) og ekki að fara neitt á rall en einhverja hluta vegn endaði ég á því að kaupa mér sokka og nærbuxur í Dressmann og nýja svarta skyrtu og skálkast í sund þar sem vessar kerlingu voru þvegnir af mér og eftir hammara og nokkra bjóra og skot (á góðu tilboði, bjór plús skot á 700kall) á Vitabar, fannst mér ég eiga það skilið að hitta þá einu réttu á barnum og það líka þetta fallega fimmtudagskvöld og stelpur berleggjaðar í háhæluðum skóm á næsta borði og feitar kerlingar með vörtur og bauga og poka undir augum og svo slöpp brjóst að tepokar lýsa þeim ekki, frekar svona eins og mjólkurfæri afríkufíls sem hættur er að hafa unga á spena, löngu gleymdar.

Og þar sem ég blogga þessi orð verður mér svo óglatt að ekki einu sinni smókur og bjór getur haldið niður í mér spýjunni svo ég er að hugsa um að blogga ekki meira um þessa ferð mína fyrr en á morgunn.  Eða síðar í kvöld.  Það eru nokkrir bjórar í ískápnum.  En fyrst þarf ég að hringja.  Fokk

 

Forsetinn við góða heilsu

Athugasemdir

[Siggi (IP-tala skráð) 7.5.2007 kl. 01:52]

Mér var ekki neitt sérstaklega órótt vegna þreytu/veikinda forsetans. Ekki frekar en vegna hvers annars. Það er nú ekki eins og karlinn sé ómissandi !?!?!  

Gerir kannski helst karlmennsku skömm til eins og þegar var stumrað yfir honum löskuðum á handlegg í reiðtúrnum forðum, eins og hann væri lífshættulega slasaður.

Þetta er einmitt mergurinn málsins : forsetinn ræður engu um hverjir ákveða að vinna saman eftir kosningar og mynda meirihluta  -- AKKÚRAT EKKI NEITT .  Hvers vegna erum við þetta snobb/bruðl embætti ?!?!?

[Hrólfur Guðmundsson, 7.5.2007 kl. 11:41]

Man einmitt þegar ég sá forsetan liggja í grasi og Dorrit sturmandi yfir honum og ég missti andann því að ég hélt að karlinn hefði verið skotinn eins og Kennedy í Dallas en mundi svo að hann var valdalaus og enginn akkur fyrir neinn að myrða hann.