Færsla eitt

Þá er ég farinn að blogga.Hverjum hefði dottið það í hug fyrir 20 árum að ég mundi skrifa því að mér leiddist?  Ekki mér og alveg örugglega ekki Hákoni íslenskukennara!!!  Hann hefði sennilega fengið slag eða eitthvað ef honum hefði dottið það í hug.  En allavegana - hér er ég!

Sennilega er ég að blogga af því að mér leiðist.  Hrefna eiginkona mín til 4 mánaða fann sig skyndilega knúna til þess að fara frá mér og flytja til mömmu sinnar fyrir austan.  Ekki það að hún orðaði það þannig, hún bara skrapp austur um páskana og skildi mig eftir eða ég varð eftir því að bakið á mér þolir ekki hoss í rútum.  Anyhow.  Hún er enn ekki komin heim.

En ég ætla ekki að sitjaog vorkenna mér.  Ég er ekki þannig maður.  Ég hef alltfa verið hörkuduglegur til vinnu og hress.  Það breytist ekki núna.

Annars er erfitt að vera svona persónulegur þegar maður er bara að blogga sína fyrstu færslu.  SJáum hvað mér verður úr verki og hvernig þetta allt þróast. 

Athugasemdir

[Hrólfur Guðmundsson, 25.4.2007 kl. 09:23]

Er flug austur?

[Tómas Jónsson (IP-tala skráð) 25.4.2007 kl. 13:05]

Ég byrjaði einu sinni að blogga um tilfinningar mínar í kjölfar þess að konan mín fór frá mér og skildi mig einan eftir með yngstu dóttur okkar. Ég hefði betur látið það ógert.

[Hrólfur Guðmundsson, 25.4.2007 kl. 17:40]

Best að blokka bara tilfinningarnar.  Blogga bara um fótbolta.