Ron, ég og svaðilför ein mikil!

Ég var að koma heim núna eftir að hafa farið af heima á mánudaginn um 23.30.  Ég get ekki sagt að leiðir mínar hafi alveg verið beinar, enda komið við á börum og í bakhúsum.  Konur heillaðar og sest upp á þær um stundarsakir (meðan af þeim voru einhver not) og alskonar ólifnaður stundaður í anda við það sem Ron karlinn Jeremy er hvað þekktastur fyrir.  Enda er ég glær af þreytu og timburmönnum núna.  Lofa að blogga um svaðilför þessa á morgunn!  

Ron Jeremy meðal aðdáenda

Rooney á leið til Grindarvíkur!

Eins og hann eigi ekki í nægum vandræðum með sig og sitt einkalíf að fíflið hann sir Alex sé ekki að ýta undir fjárhættuástríðu hjá þessum mjög svo heimska strák.  Maður hefur ekki séð jafn veikgeðja gaur síðan Stan Collymore var hjá okkur, síðan Gazza var, síðan Lee Sharp reið húsmæðrum í Grindavík sem hluta af bónusgreiðslum að han nhélt, blessaður.  Enda er það orðatiltæki núna: allar leiðir liggja til Grindavíkur. Og það bara notað  um lúsera í boltanum.  Mín spá: Rooney verður í Grindavík 2013!

Rooney: Ég mun vinna veðmálið við Ferguson

Sköllóttur Hrólfur!

Hárleysi mitt er mikið áhugaverðara en það hvort Beckham er svarthærður eða hvíthærður.  Spennan í mínu lífi er sú: vex það aftur?  Hvað fellur af mér næst?  Höfuðleðrið?  Limurinn?  Missi ég tennurnar?  Þetta er það líf sem ég lifi.  Stöðug óvissa og ótti við það að verða ljótar í dag en ég var í gær.  Ég er að hugsa um að fara og opna dós af Slotsbjór.

Bjarthærður Beckham

Til hvers að auka kynhvöt kvenna?

Maður spyr bara til hvers?  Þá far þær næst að heimta að fá það líka?  Jafnvel að maður komi sér í form og sé ekki með varadekk lafandi niður á læri á meðan maður tekur inn viagra og vonar að það fari að virka?  Ég mundi frekar vilja hafa þessa pillu öfuga. Að hún mundi auka matarlyst og draga úr kynlöngun, nema auðvitað hjá vændiskonum og klámstjörnum og konu sem eru með sílikon og fagran líkama.  Vinjulegar konur eiga bara að vera heima já venjulegu mönnunum sínum og þekkja bara kynlíf af afspurn eða til barneigna!

 

Af mér er það að frétta að ég er búinn að vera hálf slappur í dag og ekki nennt að gera neitt.  Ekki einu sinni haft lyst á neinum mat af viti.  Fékk mér þó einn snakkpoka í hádegismat, það er allt og sumt.  Sofnaði svo aftur um eittleytið og er frekar nývaknaður.  Það er víst djammdagur í kvöld og kannski útborgunardagur líka?  Ætla að tékka á heimabankanum áður en ég kem með yfirlýsingu um hvað gera á í kvöld! 

Vonir bundnar við pillu sem örvar kynhvötina og dregur úr matarlyst

Fyrsta klámmyndin

Fyrsta klámmyndin hefur auðvitað verið gerð úr berjalit á hellisvegg og sýnir hóp steinaldarmanna elta flokk af konum eða eitthvað í þá veru?  Og svo þarf gaurinn sem selur klám í Kolaportinu að fela það undir teppi þegar allir vita að hópkynlíf og þannig leikir hafa alltaf fylgt okkur mönnunum?  Mér sýnist bara á öllu að hópkynlíf sé okkur eðlilegt.  Segjum já við því ef það býðst!!!  Lifi saurlífnaðurinn!

Steinaldarmenn lifðu fjörugu kynlífi

Foxy gella dauðans

Rakst á þessa gellu í nótt á minnSirkus og fannst hún minna mig mikið á Hrefnu, bara aðeins yngri útgáfa af henni.

Sunnudagsleiðindi

Fór í Kolaportið í gær til þess að vera innann um fólk og kaupa mér 100 krónu videómyndir.  Pabbi kom við með nýju konunnui sinni og gaf mér aur þegar hann sá hversu ástandið var orðið slæmt hérna.  Hvað um það, var búinn að kaupa mér 3 myndir þegarReynir hringdi og vildi bjóða mé rí bíó klukkan 6 á nýju David Lynch myndina Inland Empire eða eitthvað í þá veru.  Við skelltum okkur.  Ég gekk út eftir tvo tíma, þá var myndinn ekkert að enda og ég hafði ekki skilið neitt í neinu.  Þoli ekki svona arty myndir sem eru bara gerðar fyrir eitthvað lið úr listaháskólum.  Hvað um það, komum við á Sirkús (Reyni finnst það eitursvalur staður) og þar var enginn nema 3-4 dj-ar með bleik yfirvaraskegg og sítt að aftan.  Svo við örkuðum á Grandið.  Eðal staður og eðal bjór.  Reynir splæsti nokkrum umgöngum og gaf mér síðan lift með leigurbíl heim.  Horfði á gæða mynd fram eftir nóttu.

Kynlífshneykslið mitt!

Kynlífshneykslið mitt var einmitt í uppsiglingu í gærkvöldi þegar Hrefna hringdi og spurði hversvegna ég hefði verið svona vondur við hana og kallað hana feita og heimska kvöldið áður.  Auðvitað þróaðist þetta símtal (með aðstoð Slot´s bjórs hjá mér) út í að fara að tala um góðu stundirnar sem við áttum og sérstaklega kynlífið.  Ég drakk kannski aðeins of mikið því að ég vaknaði upp í sófa í nótt með batteríslausan síma við hlið mér og bara klæddur  í einn sokk og bolinn sem ég var í.  Mér var kalt og hafði ekki um neitt annað að ræða en að skríða undir sæng.  Sömu sæng og ég hafði gleymt að taka af rúminu eftir fyrri nótt.  Ekki gaman að sofa í hamborgarasósu og sígarettustubbum tvær nætur í röð.  Nú er kominn tími á bað.

Kynlífshneyksli í uppsiglingu í Washington

Leiðist, leiðist mjög mikið

Mér leiðist og bjór gerir mig bara meira einmana.  Mér dettur ekki neitt í hug að blogga í augnablikinu og í RÚV eru bara hinir mjög svo Þjóðminjasafnsvænu Spaugstofumenn að fara að hefja sitt glens.  Úff, það eykur á timburmennina hérna að hugsa um Karl Ágúst syngja eða Örn með bumbuna lafandi.  Oj, bjakk.  Þetta eru Ríkisstyrktir listamenn.

Best að ég signi mig inn á MSN.  Kannski er eitthvað eitursvalt lið þar? 

Hún mútta

Var alveg að drepast úr þynku eftir að ég skreið á fætur í dag.  Sat bara fyrir framan tölvuna og kúgaðist á milli þess sem ég reyndi að neyða ofan í mig nokkrum sopum af bjór.  Ekkert til að éta í eldhúsinu og minnugur þess að ég átti nokkur missed calls á símanum hringdi ég í mömmu.  "Geturðu hringt í mig!"  Hóf ég samtalið.  "Er það eitthvað sérstakt Hrólfur minn" svaraði mamma og bætti við "ég er á leið út."  Ég sagði henni að ég væri veikur og kæmist ekki út í búð til að kaupa í matinn og ekkert til að éta nema hrökkbrauð.  Hún æjaði nokkrum sinnum og spurði hvort ég gæti ekki látið hrökkbrauðið duga fram á morgun því að hún væri að flýta sér og mætti ómögulega vera að því að koma einhverstaðar við og kaupa í matinn fyrir mig og koma með hann í Seljahverfið.  Ég bar mig aumlega "mamma, ég hef ekkert borðaði í allan dag og bara ælt.  Núna hef ég ekki einu sinni gall til að æla." Grenjaði ég í henni.  Hún lét sig ekki e n bauðst til þess að leggja inn á mig 500 kalla fyrir pulsupakka.  ég bað hana um þúsund því að mig vantaði fyrir sígó líka. "Veistu hvað ég er búin að láta þig hafa mikið í þessum mánuði" spurði hún og tuðaði áfram "og eflaust hann pabbi þinn líka ef hann er aflögufær!" og spurði svo eitthvað um pabba.  Ég lagði á.  Vissi að hún mundi skutla á mig 2-3000 kalli.  Og það rættist og ég gat pantað mér pizzu og brauðstangir og kók.  Svo á ég kippu af pilsner 4,5% og nokkra slots litla í ísskapnum og pakka af winston og eitt og annað hérna svo ég er vel settur.  Elskan hún mamma.  Megi hún lengi lifa.